ao2.it
Antonio Ospite, attacchi teoristici

M'aizo, into 'a Staggione,
—ѐ 'na matina Aùsto—
faccio 'na colazione
semplice e china 'e gusto.

Vaco subbeto 'o furno,
manco o tiempo 'e nu sisco,
'ѐssa perdere 'o turno:
serve cavero e frisco.

E stà 'a salumeria,
chella puteca affianco,
ca mette 'nu vulìo
'e certa rrobba ianca.

Po' 'na còveta 'e frutta
ch''a chisti tiempe matura,
ѐ d''e cchiu doce 'e tutte
ce stanno chiare e scure.

Mѐle e zucchero? Niente
pe' chesta marennella,
ma si proprio t'ho siente
'nu pizzeco 'e cannella.

T'alliccarraje 'e dete,
mo vide che te dico,
te svelo nu segreto,
pane, ricotta, e fiche.

Antonio Ospite - 26 Agosto 2022