ao2.it
Antonio Ospite, attacchi teoristici

Trascrizione di 'O PURMUNARO

- Stu muscillo è nu poco malandrino!
Va a scummuglià 'o bbullito ncoppo 'o fuoco!...
Po s' 'o va a strascenà dint' 'o stanzino,
'o ffa fa friddo, e doppo... votta lloco^[1]!...

Chella 'a signora s'è sfasteriata!
Zompa, rompe bicchiere e perattelle^[2],
strascina 'e panne, s'arrobba 'a frettata,
mozzeca 'a' vesta d'a sià^[3] - Vicenzella...

L'ha cunsignato a me!... Mo' sa' che faccio?
Si nun 'o trovo a vennere, l'acciro!...
D'a pella 'o miezo litro puro^[4] 'o caccio^[5]!...
Ma che peccato ca n'è tutto niro!...

Quanno l'aggio tagliata 'a capa e 'a cora
tanno po' saccio addò l'aggia purtà!...
Nu buono cuoco, Munzù Ciccio 'e Sora^[6],
Ll'avota a llepre int'a nu risturà!

Di Ferdinando Russo

NOTE:

[1]

chi s'è visto s'è visto.

[2]

padelle di terracotta.

[3]

signora.

[4]

"pure", ma nel senso di "comunque", "sicuramente".

[5]

Il significato del verso è che col ricavato della vendita della pelle riuscirà sicuramente a comprare mezzo litro di vino.

[6]

Sora, comune della provincia di Frosinone, nel Lazio.